وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معنا

[حاملة الرايه]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

اخوتي المراقبين

رجاء تبديل هذا التصميم :

بهذا التصميم :

تم بارك الله فيكم

ننتظر بقية القصه ان شاء الله

[ahmadof]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

بارك الله فيكم.. ولكن عندي سؤال.. "متأخر.. بس لازم أعرف الجواب"... ما معنى:

جواااااااااااا الجوووووووون

بارك الله فيكم.. لم ألاحظ أني لا أعرف معنى العنوان إلا الآن.. كنت فقط أدخل وأقرأ القصة الرائعة

[المسلمة العفيفة]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

القصة رااااااااااااائعة

متابعين لا تتأخروا علينا فى الباقى

[ديمة]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزاكم الله خيرا

[محبة الإيمان]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

بارك الله فيكم.. ولكن عندي سؤال.. "متأخر.. بس لازم أعرف الجواب"... ما معنى:


بارك الله فيكم.. لم ألاحظ أني لا أعرف معنى العنوان إلا الآن.. كنت فقط أدخل وأقرأ القصة الرائعة

جوا يعنى داخل
الجون عندنا يعنى الهدف
كلمة الجون لغة عامية مصرية

بارك الله فيكم

[فاطمة سعد]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جهد راااااااااااااااااااااااااائع

جزاكم الله خيرا

[moslma lillah]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

ولكن عندي سؤال.. "متأخر.. بس لازم أعرف الجواب"

اضافة لكلام اختنا محبة
بالفصحي معناها : داخل الجول " أي الكرة دخلت الشبطة وأحزرت هدف أي فازت

.
.
.
دعواتكم اخوتي بالتيسير لحلقة اليوم قبل رمضان

[مسلمة وفخورة]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزاكم الله كل خير
متابعين

[انا مسلمه منتقبه]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزاااااااااكم الله خيراً كثيرا

راااااائع فوق الوصف

لكن بعض الروابط والفيديوهات لا تعمل

ورابط ملف كونى جنته ضغطت عليه ولم يسمح لي بدخول الصفحة ما المشكلة بارك الله فيكم

[ahmadof]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

بارك الله فيكم .. هو أنا كنت فاكر إنه قريب على هذا المعنى.. بس قلت أتأكد....

بانتظار حلقة التوديع.. ما قبل رمضان.. بس بشرط....

تكون رائعة كالباقي...

جزيتم الجنة

اللهم وفقنا في رمضان.. وأعتقنا من النار

[المنتقبة السعيدة]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

السلام عليكم ورحمه الله

الموضوع جميل ماشاء الله
بس اسأل سؤال معلش؟
فى الحلقة الى عمر دخل المدرج ومش لقى مكان غير جنب واحد ملتحى ولقى اصحابة مش ملتزمين علشان عاز يبين ان ملتزم وفى نفس cool
طيب يعنى لو منتقبة وكدة بس بصاحب على بنات ممكن كمان مش مقتنعين بالنقاب ومنهم بيسمعوا اغانى او اناشيد بموسيقى بس مصحابهم لانى اصلا كنت مصحباهم قبل ما اتزم اتعامل معاهم ازاى؟ومنهم بنات محترمة يعنى مش بيكلموا مع الاولاد لا اغانى بس لبسهم مش قد كدة بس مصحباهم وبقعد معاهم بس بنقعد مع بنات بس وفى مكان كله بنات ومحترمين بس بسبهم بين المحاضرات وبروح المسجد هل دا صح ولا انا غلطانة؟

[جوا الجووون يا شباب مصــر]

الحلقة الثامنة ونلتقي بعد رمضان بإذن الله

الحلقة الثامنة
--------
و
مسلسلكم

اوعوا تتفرجوا علي مسلسلات رمضان الشيطانية
احنا هنا البديــــــل بإذن الله

وكنا توقفنا عند
ترااااااااااااااااااااااااااااااخ

عمر بالفعل فاق من قلم هشام له
ومزعلش منه
لالا
فضل في حضنه كتييييييييييييييييييييييييير ويبكي
عمر : هشام أنا فعلا مش عايز أرجع تاني , نفسي أحس إني بني أدم عايش وله لازمة في الدنيا دي , أنا زهئت من حياتي , مش عارف أنا عايش ليه طب أموت أحسن عشان أرتاح ؟
هشام : إنت فاكر إن اللي بيموت بيرتاح ؟؟ إنت قدمت إيه عشان يريحك في قبرك ؟ قدمت إيه من الأعمال الصالحة اللي تنجدك من عذاب القبر ؟؟ هل أعمالك تخلّي قبرك روضة من رياض الجنة عشان تتمني الموت فتلاقي الروضة مستنياك ؟ دا حتي لو كدة المفروض متتمناش الموت لإن النبي صلي الله عليه وسلم قال : " لا يتمنينَّ أحدُكم الموتَ لضرٍّ نزل به، فإن كان لابد فاعلاً فليقل: اللهم أحيني ما كانت الحياة خيراً لي، وتوفني إذا كانت الوفاة خيراً لي "
فاهمني يا عمر ؟
عمر : عندك حق أنا لو مُت بالذنوب دي هبقي في النار أكيد .
هشام : فعلاً يا عمر كلنا ذنوب ربنا يتوب علينا يارب , واتصدق نعمة إن الواحد عايش دي ما أعظمها من نعمة والله لو الناس تقدرها , يعني لسه ايدي بتتحرك تقدر تسبح ربنا كل لحظة قبل ما تندم والروح تتسحب منها وكل جوارحي فيها روح تقدر تعبد ربنا وتزيد من الأعمال الصالحة , ولساني لسه بيتحرك يقدر يقرأ قرأن ويحفظ ويستغفر وووووووووووو يااااااااااااااا ما أعظمها من نعمة .
عمر : الحمد لله , الحمد لله , الحمد لله يارب نقدر نستغلها في الخير يارب
هشام : يارب , واوعي يا عمر تكون زعلت مني لما ضربتك , انت عارف غلاوتك عندي قد ايه ولمّا لاقيتك كدة وجعت تاني لاقيت دمي بيغلي عشان أنا بحبك جداا.
عمر : اتصدق يا هشام إني حاسس بانتعاش فظيع بعد القلم دا , يااااا كنت مستنّيه من زمان , حاسس إني كنت في غيبوبة و فقت , والله يا هشام انت متعرفش انا بحبك اد ايه , لسه كنت بقول لزينب كدة ربنا يباركلنا فيك يارب .
هشام : طب يلا يا بطل روح صالح ماما اللي زعلتها منك .
عمر : ماما ! انا مش عارف انا زعقتلها ازاي ؟ ومش عارف ازاي لما شفتها دمعت وعيطت من اسلوبي كنت جبلّة وسبتها تمشي وهي زعلانة مني , ازاي مروحتش ابوس رجليها عشان تسامحني !.
هشام : خلاص يا عم انت خليتني ادمع , ما احنا فيها اهو روحلها بسرعة يلااااااااااا , انت لسه هنا ؟

يروح عمر لماما
يخبط عليها الباب
ويدخل
يلاقيها كانت ناوية تنام
فأول متشوفه تغمض عينيها وتعمل نفسها نايمة
ولكن هو شافها في المرايا وعرف إنها صاحية
يروح ينام جمبها ع السرير ويكلمها

ويحط دماغه عند رجلها
سامحيني يا ست الحبايب
والله ما كان قصدي ازعلك وأعلّي صوتي عليكي
انا كنت في حالة نفسية وحشة ومكنتش طايق نفسي والشيطان كان مسيطر عليا
سامحيني يا ماما مش هعمل كدة تاني
دمووووووووووووووووع

ماما تخده في حضنها : مسامحاك يا حبيبي , بس بقي بطل عياط , قلبي مش مستحمل
عمر : انا بحبك اوووووووووووي يا ماما , اوعي تزعلي مني , اوعدك إن شاء الله إني هتغير وهرفع راسك وهبقي واحد جديد , بس في حاجة هتفضل فيا عمرها مهتتغير وهي إني هفضل احبك طووووووووول عمري واطلب رضاكي علطول .
ماما : يا حبيبي يا بني يا روح قلب أمك .

طبعا الشيطان هيولع
أنا هوريك يا عمر
.
.
.
بدأ ينتظم انتظام تاااااااااااام في الصلاة
وبقي صاحب أحمد علطول
وبقي يحضر دروس علم خفيفة
ويشترك شباب المنطقة في نظافة الشوارع
ويكنسوا ويبيضوا
مهي البلد بقت بلدهم بقي
وهيا لتناول بعض أحداث مصرنا الحبيبة في هذه الفترة _أي خلال شهر مارس - ابريل - مايو -
..
من خلال التليفزيون الشيك

تعليق الشيخ محمد حسّان على خبر مقتل أسامة بن لاندن
https://forums.way2allah.com/showthread.php?t=130929&highlight=%C7%D3%C7%E3%C9+ %E1%C7%CF%E4

ونحن الآن في أواخر شهر مايو
وكانت أحوال بطل مسلسلنا :
عمر : الحمد لله ثابت , وبدأت لحيته تكبر
يحضر برده أواخر المحاضرات زي التيرم اللي فات
وبيحب يحضر لوحده عشان يركز
ويحدث معه نفس موقف التيرم الأول
ملقاش مكان غير مكان جمب نفس الشاب الملتحي الcool ويعد جمبه
ويحدث الحوار اللآتي :
الشاب : أنا حاسس إني شفتك قبل كدة !!
عمر : فعلا وأنا كمان شفتك قبل كدة كان نفس الموقف وانت قعدتني جمبك .
الشاب :آآآآآه افتكرتك بس مكنش عندك دقن ساعتها ايه اللي حصل ؟
عمر : يعني الحمد لله التزمت إلي حد ما زيك , بس ممكن أسألك سؤال أظن انت عرفت إني فضولي من المرة اللي فاتت .
الشاب : هههههههه اتفضل يا عم هو السؤال حُرُم ؟
عمر : الصراحة يعني ومتزعلش مني انت كنت من ضمن الأسباب اللي كانت بتكرهنا في الدين والملتحين .
الشاب : ايــــــــه ؟ أنا ؟؟ ازاي يعني ؟
عمر : أيوة لإنك مصاحب ناس بيعصوا ربنا وساكت علي كدة وفرحان كمان وفخور .
الشاب : اممممممم أنا بصاحبهم عادي يعني مش فخور ولا حاجة .
عمر : ازاي عادي يعني ؟ لما انت دلوقت رمز للدين وملتحي وكدة ومجرد جلوسك وسط الجو دا من غير أمر بالمعروف أو نهي عن المنكر بيقي انت موافق علي كدة .
الشاب : بص يا ... انت اسمك ايه طيب ؟
عمر : عمر وانت ؟
الشاب : انت عمر وانا عليّ
عمر : ما شاء الله ربنا يحشرنا مع الصحابة يارب , كمل كنت هتقول ايه ؟
علي : يارب , أنا هتكلم براحتي بقي ما الأمن خلاص مبقاش مراقب أي حد ملتحي وبقينا براحتنا بعد الثورة .
عمر : قول يا عم انت مرعوب من ايه ؟
علي : أصل انت التزمت بعد الثورة والحرية معشتش الأيام اللي قبل الثورة كانوا عاملين حراسة مشددة ضد أي شيء إسلامي , أنا كنت متحمس زيك كدة وبحب أنصح الناس وأي درس أسمعه أحب أنقله وأعمل أي
عمل ايجابي , ولكن في مرة كنت بتكلم عادي عن فضل الصلاة في المسجد ومجمع الإخوة حواليا في المدرج ,
لاقيت 2 ظباط جايين ناحيتي , وبيكلموني كأني كلب بالظبط أو يمكن لو كنت كلب كانوا اتعاملوا معايا أحسن من كدة وقالولي فين بطاقتك وكارنيهك ! خدوهم مني وجرجروني وراهم ودوني لرئيس الكلية وخدت كام قلم علي وشي مع تهزيئ للصبح وكلموا أبويا وهددوه بالسقوط والسجن , فطبعا أبويا اتقلب عليا زي الأسد منع مني كل حاجة وقلب عليا البيت كله لو مرجعتش عن الدين والدعوة , وانا للاسف ضعفت مع الضغوط البشعة دي كلهاااااااااااااااااا وخلوني اتخلي عن ديني لحد ما بقيت زي باقي الناس اللي كنت بنصحهم وأكتر كمان بكااااااااااااااااااااااااااااااااااااااء .

عمر : يااااااااااااااااااااااااااااا نهار أبيض عليهم من الله ما يستحقوا هؤلاء الخونة أعداء الدين . , معلش معلش
اهدي يا علي الحمد لله ربنا خادلك بحقك وانتقم منهم ,
علي : الحمد لله , يااااااااااا اتصدق أول مرة أحكي لحد المواقف دي , كنت كاتم في نفسي كتييييييييييييييييير
لحد ما انفجرت فيك يا عمر معلش .
عمر : يا عم ولا يهمك أنا سعيد أوي والله بكلامك دا يا علي , والآن آن الأوااااااااان يا بطل ليعود الأسد
ليحكم الغابة من تاني وايدنا في ايد في ايد بعض نخد بايد الناس هنا ونشتغل دعوة لله بالرفق واللين ونذكرهم
بعظيم الأيام اللي فاتت " الثورة " وعظيم الأيام اللي جاية
" رمضاااااااااااااااااااااااااان "
علي : يلا يا بطل انت كنت فين من زمان , ربنا يعينا يارب .

يروح يقابل شلته في الجامعة :
جو وميدو وسنسن : اوعي وشك الشيخ عمر جاي اهو تعظيم سلام يا فندم .
عمر : ايه يا خفيف انت وهو !
جو : الله يرحم أيام زمان لما كنت بتكره أي حد بدقن .
عمر : يا شيخ افتكر حاجة عدلة , الواحد كان تافه ومش فاهم حاجة في حياته .
محمد : ازاي يعني ؟
عمر : سبحان الله الواحد بعد الثورة اتغير 180 ْ في كل حاجة يعني أنا مثلا مكنتش أعرف ايه الفرق بين الشرطة والجيش دلوقت الفرق وااااااااااااااااضح جدا .
جو : يا عم هي الشرطة دي ليها لازمة أصلا ؟
عمر : لالا يا جو مش عايزين نعمم زي باقي الناس مهي بتعمل , في ناس فيها شرفاء وأوفياء
محمد : اتصدق وانا كمان برده لما بعُد مع نفسي كدة ألاقي نفسي بقيت مثقف مش بلاطة زي الأول ههههههههههه
سنسن : هههههههه أه فعلا , والواحد عرف ايه الفرق بين الإخوان والسلف بس انا الصراحة مضايق أوي من التفرقة دي مكلنا مسلمين .
عمر : أنا كنت بقول زيك بالظبط يا محمد لحد مفهمت الحمد لله , إن الاختلاف بينهم اختلافات فروع مش أصول .
محمد : يعني ايه مش فاهم فروع ايه واصول ايه ؟
عمر : أنا هافهمك زي مفهمت , متركز معانا يا عم جو وبطّل بص علي الرايحة والجاية الله يهديك
جو : ماشي يا عم الشيخ , الله يررررررررررررحم .
عمر : الحمد لله ربنا يتوب علينا , بص بقي يا محمد , الأصول معناها الأساسيات والثوابت مثل العقيدة والسيرة والقرآن والتفسير ودي الحمد لله مفهاش خلاف ما بين السلفيين والإخوان , إنما الفروع زي النقاب / اللحية / المعازف / الاختلاط يعني بيخرجوا مثلا في مظاهرات مختلطة ,

ولكن دا مش وقت خلاف خاااااااااااااااالص لازم نتوحد ونسيبنا بقي من الفروع دي اللي مشتتة الأمة .
محمد : صح الصراحة حاجات كلها متستاهلش الخلاف .
عمر : ازاي ؟
محمد : يعني كل الفروع دي اختلفوا فيها العلماء أصلا , في اللي قال واجب وفي اللي قال جائز .
عمر : لا بص يا محمد احنا مش علماء عشان نفتي في الدين ونتكلم في الحرام والحلال , نبقي نسأل فيها الشيوخ الكبار دا اللي أنا اتعلمته إن شاء الله أبقي اخدوكوا فسحة عندنا في المسجد معايا شلة زي العسل والله هتعجبكوا أوي إن شاء الله . .
.
.
.
لما خرجوا من الجامعة
يا شيخ
يا شيخ
يا شيخ
عمر يلتفت يلاقي سيدة شايلة طفل تناديه بـ يا شيخ !
عمر : حضرتك عايزاني أنا ؟
السيدة : أيوة يا شيخ , ممكن بس أسألك سؤال ؟
عمر مستغرب : اتفضلي
_ بيحسبها هتسأله علي الطريق أو عايزة فلوس أو كدة _ .
السيدة : أنا عندي 4 أولاد وزوجي رمي عليا يمين الطلاق للمرة الثالثة أعمل ايه أنا بقي ؟ والعيال دي تروح فين ؟؟
عمر : اممممممممممممممممم
جو ومحمد خدوا جمب وشغالـــــين ضحك : رد يا عم الشيخ ههههههههههههههه
عمر : يا فندم حضرتك لازم تسألي شيخ عالم فقيه في الدين خاصة لما تكون حاجة زي طلاق وكدة .
السيدة : يعني ايه مش انت شيخ اهو ومربي دقن ؟!
عمر : لا انا مش شيخ طبعا انا لسه ملتزم جديد , ومقدرش افتيكي روحي لأي شيخ في مسجد موثوق فيه , او اتصلي بقناة الرحمة او الناس .
_ تصرف ممتاز يا عمر , وللأسف فعلا في ناس كتير محسسة الأخ طالما التحي أو الأخت طالما انتقبت يبقوا خلاص علماء وشيوخ ومش بيغلطوا لالالالالالا يا جماعة الملتحي والمنتقبة زي باقي البشر يعني المفروض إني لا أعطي الثقة لأي حد ونفعل مثل ما فعلت السيدة سألت حد من الشارع لمجرد إنه بدقن عفواً هذا جهل , أمور الدين الصغيرة والكبيرة لا أسأل فيها أحداً إلا الثقات فقط ,
و همسة للأخ الملتحي والأخت المنتقبة أوعوا تنسوا إن انتوا شعااااااااااار لدينكوا , علامة مميزة للدين , رمز للدين , فلا تخذلوا الدين بتصرفاتكم وأفعالكم وأقوالكم وكونوا إسلام يمشي علي الأرض قدوةً بالحبيب صلي الله عليه وسلم _
عمر : لو أنا عمر بتاع زمان كنتوا خدتوا كام تهزيئه علي الموقف دا , عمالين تضحكوا قدام الست !
أنا ماشي سلااااااااااااااااااام
جو & محمد : يا عم استني .

عمر بيفكر في الموقف
ويقول الناس فاكراني شيخ وعندي علم وكمان هقدر افتي وانا أصلا مفيش أي حاجة عملتها غير إني ربيت اللحية وبس
لا لازم ابدأ ف طلب العلم واشترك مع أحمد وهشام في المعهد
بس المشكلة الامتحانات اللي خلاص بعد 10 ايام
خلاص بعد الامتحانات بإذن الله .

عمر مش ناوي تفوق بقي وترجع لنانسي والمود بتاعك ؟
البنت متعذبة بسببك ينفع كدة
ياعم قولها البسي نقاب عشان أكلمك بس أهم حاجة متسبوش بعض مش كفاية خسرت طارق بسبب الثورة الهباب دي ! بعد أما قعدت أغويه قد كدددددددددة يجي في الآخر ويتوب ويموت شهيد وووووووو
لالالالالالا
توبة لا
رجوع للطريق المستقيم لا
طريق الجنة لا
رمضااااااااااااااااااااااااااااااااان لالالالالالالالالالالالالا
دا بااااااااقي خلاص شهر علي رمضان
وانا هتحبس
هتقيد
هتسلسل
مش هغوي ابن ءادم
هيتوبوا في رمضان لالالالالالالالالا
هيقروا قرءان لالالالالالالالالا
هيصلوا تراويح وقيام وتهجد لالالالالالالالا
وذنوبهم هتتغفر لهم بعد تعبي وجهدي طول السنين اللي فاتت في إغوائهم وكله هيضيع وكأنهم لم يُذنبوا لالالالالالالالالالالالالالالا
لازم الفترة دي أبذل كل طاقتي
كل جهدي أنا والأبالسة وشياطين الجن والإنس
لاااااااااااااااااااااازم أوقعهم قبل رمضان
عشان يدخلوا رمضان واقعين وينسوا كل العبادات
نعووووووووووووووذ بالله منك
نعوووووووووذ بالله منكم جميعاً شياطين الإنس والجن

ومع أولي خطوات إبليس اللعين
يلا يا عمر نانسي مشتاقالك وهتتصل بيك أهي
رد عليها عشان خاطري
جرررررس
جررررررس
عمر يشوف النمرة يلاقيها نمرتها
وموقف قوي من عمر القوي
يقفل الموبايل
ويطّلع الشريحة ويقطعها 10 حتت
لسببين :
الأول عشان نانسي هانم .
الثاني عشان الشريحة تابعة لكنسية موبنيل اللي صاحبها المدعي _ ساويرس _ عليه من الله ما يستحق اللي بيتشم في الإسلام والمسلمين
فواجب علي كل مسلم غيور علي دينه مقاطعة هذا الـ.... من أجل دينه .
هذه الصورة مصغرة إضغط هنا لعرضها بحجمها الطبيعي .

إِلَّا تَنْصُرُوهُ فَقَدْ نَصَرَهُ اللَّهُ
قاطعـــوا المجـــــــــرم نجيـــــــــــــب ساويــــــــــــرس

فبارك الله فيك يا عمر أسعدتنا

**********************
ويبدأ عمر يشارك عليّ في أعمال دعوية في الكلية
ليتركوا بصمة خير لهم فيها قبل الرحيل عنها
وعمر يستعين بأحمد وبهشام في أفكارهم للدعوة في الجامعة
وما شاء الله اشتغلوا شغل رااااااااااااااائع وانطلقوا انطلاقة قوية .
---------
الامتحانات خلاص
ودخلنا في شهر يونيو شهر الامتحانات
والكل بيستعد
وعمر بيذاكر مذاكرة من ناااااااااااااااااااار عشان نفسه يجيب تقدير آخر سنة .
والامتحانات بدأت بالفعل
الكليات مع الثانوية العامة
والجو حررررررررررر
ربنا معاكوا يا طلابنا وترفعوا راسنا
.
.
.
.
ومضت الامتحانات
وبدأ شهر يوليو
وهذه بعض أحداثه وجمعاته
سنركز علي جمعتين :
جمعة 8 يوليو

قررت الرابطة السلفية في بيان لها المشاركة في مظاهرات الجمعة 8 يوليو السلمية بعد متابعة الأحداث الحالية من عدم شفافية في محاكمة رموز الفساد والتباطؤ في محاكمة الرئيس السابق وأسرته والتأجيل المستمر والطويل للمحاكمات ، مع التباطؤ في تطهير الإعلام والصحافة والداخلية وغيرهم

.
-----------
عمر الآن في الأجازة
بدأ يشوف الدنيا فيها ايه !
متابعة أحداث البلد بشغف
متابعة أحداث البلاد الأخري التي لا حول لها ولا قوة
ليبيا - سوريا - اليمن - .......
وأحداثها تبيّن قدر النعمة التي مصر بها
أن نصرها الله وفك كربها سريعاً وأزال همها _ مبارك وحكومته _
ولكن للأسف الأعداء لا يريدون السلام لمصر
ومنهم للأسف مسلمين ولا أقصد هنا الليبراليين والمصطلحات المشبوهة التي تشبهها
لا بل أقصد مسلمين عاديين جدا
قد يكونوا أقرب الناس إليك
أو من عائلتك
من يتكلم عن السلف والإسلاميين كأنهم محتليين ع البلد ,
ربنا يهدينا وإياهم للحق والصواب والخير والصلاح للبلد _ آآآآآآآآآآآمين _

عمر والشلة بتاعته ولكن مش شلته القديمة
شلته الجديدة التي بنفس منطقته
بدئوا ينزلوا الشوارع يتصاحب ع الشباب العادي
ينصحوهم لله بأسلوبهم الشبابي الخفيف الظل
بدئوا ينظموا المرور لغياب الشرطة
بدئوا يستعدوا لرمضااااااااان ويبحثوا عن الأسر الفقيرة
عشان يجهزوا لها شنط رمضاااااااااااان .

وها هي النتيجة قد ظهرت
اليوم 24\7
وعمر متيقن إنه هيفرح بنتيجته لإنه عنده في ربه سبحانه
وبالفعل يفرح وينشرح عمر بأحلي نتيجة جابها في حياته

امتياااااااااااااااااااااااااااااااز مع ثورة مصر العظيمة
الله أكبر
الله أكبر
ما أجمل الالتزام
ما أجمل الرجوع لله
كل الفرح والسعادة والله

والبيت كله سعييييييييييييييييييد وفرحااااااااااااااااااااان
وماما عازمة الجيران كلهم لتخرج عمر بنتيجة مبهرة مفرحة , وأحمد منور وهشام وزينب ومعاذ طبعا

وألف مبااااااااااااااارك لعمر
ولكل طلابنا الجامعيين
المفروض إن كل الكليات ومعاهد القرآن ظهرت
اليوم بالفعل هو يوم النتائج سواء الخيالية " عمر " والواقعية " نحن ومن حولنا "
وكل اللي أعرفه تقدير " امتيااااااااااااااااااز "
سبحان الله
مبارك لكم من أعماق قلوبنا
ولولا ضيق الوقت لعملنا لكم احتفال يليق بكم

نيجي لأهم جمعة
لأهم مليونية
الصراحة التي أثلجت صدورنا أكثر من جمعة الغضب
والصراحة الصراحة أكثر من الثورة نفسها
ولكن لا ننكر فضل الثورة طبعا أن الله جعلها لسبب لهذه المليونية المباركة التي بتاريخ يُكتب بماء الصدور كما قال شيخنا حكيم الأمة " محمد حسان "

وهذه تغطية لها من قناة الحكمة المباركة :
http://www.youtube.com/watch?v=Naets81Qdgk

وتمت الملايينية ( لإنها كانت ملايين مش مليون واحدة )
بسلام
وإسلامية إسلامية .. عاوزنها إسلامية
والحمد لله الذي تتم بنعمته الصالحااااااااااااااااااات

.
.
.
وجاااااااااااااااااااااااااااااااااااااااااااء
رمضااااااااااااااااااااااااااااااااااان

يااااااااااااا رمضان
رمضاااااااااااااااااااااااااااااااااااااااان
رمضااااااااااااااااااااااااااااااااااااااااااااااا ااااااااان
انتوا مصدقين يا جماعة إن رمضان بكرة !!!!!!
بكرة بكرة !!!!!!!!
وتراويح النهاردة وكدة ؟!!!!!!!!!!
وصوم بكرة ومش أي صوم دا صوم رمضااااااااااااان
شهر القرءاااااااااااااااااان
شهر القلووووووووووووووووب
شهر الإصلاااااااااااااااااااااح
وووووووووواشوقااااااااااااااااااااه
رمضااااااااااااااااااااااااااااااااااااااااااااااا ان
أفيقي يا نفسي وانظري أنتي في استقبال من ؟؟

وها نحن قد وصلنا معكم لرمضان المبارك
اوعوا تضيعوووووووووه
اللحظة فيه تساوي الكثير والكثير
إنه شهر صاااااااااااااااااااوخ
يمر وينتهي بسرعة البرق
فلنتغتم منه كل لحظة
ولنتعاهد
أن يكون رمضان هذا
جوووووووووووووا الجووووووووووووووون
اياكم تكون ضربة جزااااااااااء
عايزينه جوا الجوووووون
أوله رحمة - أوسطه مغفرة - آخره عتق من النار
يارب اجعلنا من عتقائه من النار
ويارب اجعله خير رمضان مر علينا
ويارب فاتحة علي مصر وعلي سائر بلاد المسلمين
ويارب بلغنا رمضان أعواما عديدة وأزمنة مديدة
اللهم آآآآآآآآآآمين

ورجااااااااااااااااء لا تنسونا من صالح دعواتكم

ونتلقي بإذن الله بعد رمضان علي العيد
نستودعكم الله
وكل عام أنتم بخيــــــــر
ورمضاااااااااااااااااااااااااااان كريــــم

[Dr.Sarah || ~]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

حلقة رائعة

جزاكم الله خيراً

[فاطمة سعد]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

وعليكم السلام ورحمه الله وبركاته

روعه مااشاء الله

اللهم بارك

رمضانكم مبارك وسعيد

[محبة الإيمان]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

حلقة رائعة جدا مثل كل الحلقات الجميلة التى تعودنها
كل عام وانتم بخير
عيييد سعييييد

منتظرين بإذن الله